about us
بدأت الحكاية سنة 2008 أثناء دراستي للصيدلة.
من وقتها وأنا بجرب وأعمل تركيبات ومنتجات للعناية الشخصية والجلد لنفسي.
وده كان قبل ما يبقى فيه كل الوعي والاهتمام الحالي بالمكونات الطبيعية والـ skincare في مصر.
على مدار أكتر من 15 سنة جربت تركيبات كتير.
حاجات نجحت وادتني نتائج فاقت توقعاتي.
وحاجات تانية مدتش النتيجة اللي كنت بدور عليها.
ومع مرور السنين وانشغالي في شغلي، كان فيه حاجة واحدة بتتكرر قدامي كل مرة:
لما المنتجات الطبيعية بتتعمل صح، بتقدر تدي نتيجة حقيقية ورائعة
عشان كده بدأت أستقر على منتجات طبيعية للعناية بالجلد تجمع بين 3 حاجات مهمة بالنسبة لي:
الفعالية.
الأمان.
وسهولة الاستمرار.
لأني مقتنعة إن أهم عامل بيدي نتيجة فعلًا مش المنتج المعجزة.
أهم عامل هو إنك تقدري تلتزمي بالروتين وتستمري عليه.
ومن هنا بدأت Glowra.
منتجات Handmade معمولة بمكونات طبيعية مختارة بعناية، هدفها إنها تكون سهلة الاستخدام، فعالة، وتبقى جزء طبيعي من يومك.
لفترة طويلة كانت المنتجات دي بتتعمل بكميات صغيرة لأصحابي وقرايبي، والناس اللي كانت مستنية كل Batch جديد عشان تاخد منتجاتها المفضلة بفارغ الصبر .
وبعد سنين من التشجيع والسؤال المتكرر:
“إمتى هتنزليها للناس؟”
قررت إن المنتجات دي متقفش عندي أنا وبس.
يمكن تلاحظوا إن اهتمامنا الأكبر مش إن الصابونة يبقى شكلها ملفت أو ألوانها صارخة.
اهتمامنا الأول دايمًا بالمكونات.
وبالنتيجة.
وبالأداء.
وعشان كده بنفضل استخدام الألوان والإضافات الطبيعية فقط .
وقريب هنفضل ننزل باقي المنتجات مع الحفاظ على اهم العوامل
منتج طبيعي.
فعال.
وسهل تكملي عليه كل يوم.
أهلًا بيكم في Glowra.
وفي انتظار آرائكم وتجاربكم… ونكبر سوا .
